一個人過平安夜

今日係12月24日星期五, 今日係平安夜, 不過我仍舊一個人過這個普天同慶的節日; 一早起身去了髮型屋,更換了個髮形, 已經有差不多十年沒有試過直髮了, 而且從未試過這麼短, 我想可能對上一次咁短都應該係中一了, 由中間界變成側邊界, 這個中間界已經陪伴了我二十多年了, 今次決意同佢講再見, 原因有兩個, 第一個係因為我真係好想變, 不想再留住以前的感覺及回憶入到2011年, 第二個原因係因為太長時間的中間界, 今我中間部份的頭髮開始出現稀少, 我怕有一日我會出現嚴重脫髮。

晚上原本留在家食個飯盒就算了, 不過最後我仍選擇出街逛一逛; 其實我沒有想過要一個人過聖誕, 不過既然事實已經來臨, 我也要學會欣然接受; 與其躲在家中自憐, 倒不如出外走一走,可能心情會更好,學習愛自己, 令自己開心也是第一步。一個人在這平安夜的日子吃飯, 也要小心地選擇一些飯店,太多情侶、家人、一家大細的店舖,只會令自己更覺妻慘, 所以我絕不會這樣做; 我選擇了在一間既有聖誕氣氛的高級快餐店吃我的平安夜晚餐,點了我最喜歡吃的番茄牛肉麵, 飲了一杯蘆薈芒果綠茶; 之後, 還到附近商場逛了一逛, 十時多就回家了。整個晚上, 我也很平靜地過, 不到十二時, 就已經與周公相會了。

學習一個人照顧自己是一件很深的學問, 特別係令自己快樂, 在無人在你身邊時, 能否對待自己好一些, 雖然孤單的感覺會隨時飄來身邊,不過一切都可以成為習慣, 為自己建立好的回憶, 留待最好的一刻給自己, 乃是一生的功課。但願每個聖誕都可以同自己講, 聖誕快樂!