第七堂

12月18日星期六是第七堂的運動堂,今日上堂前約了個朋友出來傾談,其實傾完計之後,人也覺得輕鬆了很多,又再次有一個感到自己好幸福的感覺。其實每次去做運動時,都會有一個很期待及開心的經歷,可能因為以往有很多人話比我知, 我有什麼地方不妥, 但其實自己又點會唔知, 只係唔知及唔識去學, 就好似運動一樣,一直都知自己不協調, 但就好似唔知點去好, 今日有人可以教自己, 真的很感恩, 其實在這次運動學習上, 明白及體會到, 人只會在開心的情況下才有出色的表現。

講返今日的練習, 今日係練習泰拳, 除了繼續練習踏步踏腿之外, 再學習出拳的姿勢及向前及退後的步法, 與教練一起練習, 好似跳舞一樣, 佢前我後, 我佢後我前, 要記住腳的動作又要出拳, 對我來說真的不容易; 之後的時間, 主要集中在腳, 練習舉起腳作跨過腰高度的練習, 我真係完全平衡唔到, 好不容易完成四十下的動作,之後已經好倦了, 最後躺下做了四十下收腹的動作, 結束整天的運動課。

http://josephine-lifeisbeautiful.blogspot.com/2010/12/blog-post_24.html